/ Forsiden / Siste nytt / Internasjonal dag
Internasjonal dag
Torsdag 23.oktober var det internasjonal dag på skolen. I løpet av dagen fekk elevane eit innblikk i korleis livet er for unge jenter i Bangladesh, og korleis utdanning kan forandre livet deira.
I løpet av dagen var elevane gjennom tre "postar". Dei såg filmen "kunnskap gir krefter", dei høyrte på to foredrag om korleis utdanning og kunnskap kan forandre livet til unge i Bagladesh. Aller mest inntrykk gjorde nok forteljinga frå 16 år gamle Shilpi Khatun frå Bangladesh. Ho fortalte sterke historier om kvardagen sin, mellom anna at ho må forsørge familien sin med ei månadsløn på 200 kroner.
Operasjon dagsverk støtter prosjektet Shonglap, som betyr dialog og tilbyr utdanning til unge jenter på landsbygda i Bangladesh. Via Shonglap får jentane kunnskap som forandrer livet deira og set dem i stand til å tene pengar. Ei shonglapjente får rett og slett superkrefter! For elevane på Surnadal vidaregåande skole blir Operasjon dagsverk arrangert fredag 31.oktober.
|
|
|
|
