/ Forsiden / Siste nytt / Viktig melding om stipend/lån
Viktig melding om stipend/lån
Frå mai 2009 må du logge deg inn med MinID kodar for å søkje om stipend og lån for skoleåret 2009–2010. Registrer deg som brukar av MinID allereie no, så slepp du å leite etter kodane til MinID når det hastar med å søkje om stipend og lån til hausten.
Slik bruker du MinID
-
Finn fram kodane i kodebrevet som du fekk i posten i desember 2008 (alle over 15 år har fått det tilsendt i posten)
Manglar du kodar? - Klikk som vanleg på den blå "Logg inn"-knappen i menyen i høgre marg på www.lanekassen.no. Du får meir informasjon om innlogging på sida du då kjem til.
- Når du kjem til påloggingssida for MinID, blir du bedt om å lage ditt eige passord som du ønskjer å bruke vidare. Registrer mobilnummeret ditt, så får du eingongskode som du treng ved neste innlogging på SMS
Neste gong er det enkelt!
Når du seinare skal logge deg inn på Dine sider treng du berre å hugse passordet ditt, så får du ein eingongskode på SMS eller e-post.
Du må registrere deg som brukar av MinID
For å logge inn på Dine sider med MinID, må du altså registrere deg som brukar av MinID først. Dette gjeld sjølv om du allereie er kunde i Lånekassen og har brukt Dine sider tidlegare.
Er du ikkje kunde i Lånekassen frå før, vil det ikkje ligge opplysningar om deg på Dine sider, og du har difor ikkje tilgang. Først når Lånekassen mottek ein søknad frå deg om stipend og lån, vil du kunne logge deg inn på Dine sider.
Det er ikkje nødvendig å gå via Dine sider for å søkje om stipend og lån i Lånekassen, men du må ha registrert deg som brukar av MinID før du kan søkje. Du vil kunne gå direkte inn på søknaden frå forsida på www.lanekassen.no og logge deg inn med MinID.
Manglar du kodane?
Hvis du ikkje har fått kodebrevet i posten, eller har mista kodane, er det viktig at du melder frå til Skatteetaten på 800 80 000 eller til MinID sin brukarstøtte på 800 30 300. Du får nye kodar tilsendt i posten.
Har du problem med felles innlogging på Min ID, kontakt MinID si brukarstøtte.
Du kan ikkje ringe Lånekassen for å få vite kodane for MinID. Lånekassen har ikkje tilgang til kodane dine, og kan heller ikkje sende deg nye kodar i posten.
NB! Vi oppfordrar deg til å registrere deg som brukar av MinID før førsteinntaket i sommar. Da kan du enkelt søkje om stipend/lån samtidig som du takkar ja til skoleplass. Da får du pengane du har krav på rett etter skolestarten i haust. Ventar du til skolen startar, så må du også vere klar over at pengane kjem seint.
