PC og læremiddelordninga skoleåret 2008/2009

Lærebøker:

Boklister blir lagt inn på heimesida så snart dei blir ferdige.

Elevane i VG2 og VG3 er skoleåret 2008/2009 omfatta av ordninga med gratis læremiddel. For å gjennomføre denne ordninga, skal skolen låne ut lærebøker til elevane. Utlånet skal praktisk gjennomførast ved skolebiblioteket etter skolestart til hausten.

I samband med innkjøp av lærebøker, ønskjer skolen å kjøpe relevante lærebøker av VG2-elevar 2007/2008 dersom dei ønskjer å selje bøkene sine til oss. Skolen vil vurdere om bøkene er i slik stand at vi kan låne dei ut til nye elevar.

Dei siste dagane før skoleferien er hektiske. Vi har derfor sett av datoane 25. og 26. juni for kjøp av elevbøker. Mari og Inger Johanne tek imot bøkene. Vi viser elles til skjema og skriv som blir sendt no før helga til VG2-elevane.

VG1-elevane skal også kommande skoleår kjøpe bøkene sine sjølve.

PC for VG1-elevane:

For VG1-elevane blir det netto utbetalt eit PC-stipend på kr 3 200 til dei som startar på studie-spesialisering. Elevar som begynner på eit yrkesfagleg utdanningsprogram får utbetalt netto kr 3 900. Utbetalinga vil skje frå 1. september, og skolen vil koma tilbake med orientering til elevane om korleis vi gjer dette når skolen startar til hausten.