Publisert 19. juli 2007 11:47:23 av Mari Vattøy
Svarfrist for 1. inntaket var 16. juli. Dersom du har spørsmål til inntaket, kan du nå inntakskontoret i Molde på telefon 71 25 87 75 mellom kl. 10 og 13.
Melding om 2. gongs inntak vil komme ca. 6. august, med svarfrist 9. august.
Skolestart for elevane er måndag 20. august kl. 09:00. Lærarane startar med kursdag onsdag 15. august. (Nytilsette lærarar blir inviterte til eit orienteringsmøte på skolen tysdag 14. august kl. 13:00.)
På grunn av ferieavvikling vil det ikkje vere bemanning på kontoret no før 1. august.
Etter 1. inntaket viser det seg at det er stor søknad til skolen i år. Omlag 260 elevar har fått plass, og nokre står på venteliste. Eldre elevar utan rett blir ikkje teke inn på førsteinntaket. Men det kan vere håp i 2. gongs inntak.
For Vg1 er situasjonene slik:
- 12 inntekne på Bygg- og anleggsteknikk
- 20 inntekne på Helse- og sosialfag
- 54 inntekne på Studiespesialisering
- 26 inntekne på Teknikk og industriell produksjon
Det er ventelister på alle Vg1-programma.
På Vg2 er det tilsammen 80 inntekne og 5 på venteliste. Det gjeld programma:
- Byggteknikk
- Barne- og ungdomsarbeidarfag
- Helsearbeidarfag
- Transport og logistikk
- Produksjons- og industriteknikk
- Realfag (studiespesialisering)
- Samfunnsfag og økonomi (studiespesialisering)
- Språkfag (studiespesialisering)
75 - 80 elevar har fått plass på 3. året (VKII Allmenne fag, VKII Allmennfagleg påbygging og VKII Automatikkmekanikarfaget).